Петиция! Референдум арқылы Қазақстан Республикасының 1993 жылғы Конституциясын қайтаруды талап етеміз!

Құрметті Қасым-Жомарт Кемелұлы! Парламент депутаттары! Жақында ғана Президентіміз референдум туралы айтқан болатын.

1993 жылы Қазақстанда алғашқы Конституция қабылданды. Сарапшылардың пікірінше, бұл құжат елдің қазіргі Негізгі заңына қарағанда демократия қағидаларына жақын болды. 1993 жылғы 28 қаңтарда Қазақстанның бірінші Конституциясын қабылдауға Жоғарғы Кеңестің 312 депутаты қатысты, 309 депутат жақтап дауыс берді, үшеуі қалыс қалды.

Негізгі заңның қабылдануына қатысқандардың естеліктеріне сәйкес, 1993 жылғы Конституция негізгі құжатқа айналды, онда биліктің үш тармағы тежемелік әрі тепе-теңдік қағидатын сақтай отырып ажыратылды. 1993 жылғы Конституция ең демократиялы болып саналады.

Біздің 1993 жылғы Конституциямыз 1995, 1998, 2007, 2011, 2017, 2019 жылдары өзгеріске ұшырады. Өзгерістерді осы сілтеме арқылы көре аласыз.

Қазақстан Республикасын демократияландыру мақсатында біз, петицияға қол қойған азаматтар сіздерден бүкілхалықтық референдум өткізіп, 1993 жылғы Конституцияны қайтаруыңызды сұраймыз! Уақыт келді!

1993 жылғы Конституциямен мына сілтеме бойынша танысуға болады. Қолданыстағы Конституцияны мына сілтемеден көруге болады.

Осы петиция туралы жаңалықтар ресурстарын хабардар етіңіз. Тек осылай ғана біз қоғамдық резонансты көтеріп, биліктің назарын проблемаға аудара аламыз.

30.04.2022, 18:41, авторы Абылай Ахметұлы.

Петиция! Қазақ мектептерінен орыс тілі пәні алып тасталсын!

Telegram каналға өту