Петиция қосу

Петиция! Қаңтар қырғыны бойынша жазықсыз қамауда отырғандар босатылсын! Қаза болғандарға құн төленсін!

Петиция! Қаңтар қырғыны бойынша жазықсыз қамауда отырғандар босатылсын! Қаза болғандарға құн төленсін!

6152 қол қойған. Нәтижені басып шығару.

Қолдаймын 6090
Қарсымын 62
ҚАҢТАР ҚЫРҒЫНЫ – ХАЛЫҚТЫҢ ҚАСІРЕТІНЕ АЙНАЛДЫ! Асыра сілтеушілер мен Президенттің жарлығына саботаж жасаушылардың кесірінен жазықсыз жандардың да жапа шеккенін Қасымжомарт Кемелұлының өзі Жолдауында атап өтті. Сол аласапыран күндері азаптау себебінен БІРНЕШЕ АЗАМАТТАРДЫҢ ӨЛІМ ҚҰШҚАНЫ, КӨПТЕГЕН ЖІГІТТЕРДІҢ ДЕНСАУЛЫҒЫНАН АЙЫРЫЛҒАНЫ бәрімізге белгілі. Бұнымен қоймай, Тергеу орындарында әлі де ЖАЗЫҚСЫЗ ЖАНДАРДЫҢ ОТЫРҒАНЫН, ЖАСЫРЫН ТҮРДЕ АЗАПТАУ ФАКТІЛЕРІНІҢ ЖАЛҒАСЫП ЖАТҚАНЫН естіп-біліп отырмыз.

Ата-бабаларымыз ғасырлар бойы аңсаған Тәуелсіздікке қол жеткізіп, Егемен мемлекет болған кезде мұндай сұмдық фактілердің орын алуы – ҚАЗАҚ ЕЛІНІҢ ӘРБІР САНАЛЫ АЗАМАТЫН ШОШЫТТЫ, НАЗАЛАНДЫРДЫ; АШУ-ЫЗАМЫЗДЫ ОЯТЫП, НАМЫСЫМЫЗДЫ МАЗДАТТЫ!

Біз, Қазақстан азаматтары, Еліміздің Конституциясы мен санғасырлық Дәстүріне сүйене отырып, мына дүниелерді талап етеміз:

1. Кезінде «10 МЫҢ АДАМ ҚАМАЛДЫ» деген хабар айтылып еді, ҚАЗІР ҚАНШАСЫ ҚАМАУДА, ҚАНШАСЫ БОСАТЫЛДЫ? ҚАМАУДАҒЫЛАР НЕ ҮШІН ОТЫР? – Осы мәліметтер БАҚ арқылы ашық түрде халыққа жариялансын! КІНӘСІ НАҚТЫ ӘРІ ЗАҢДЫ ТҮРДЕ ДӘЛЕЛДЕНГЕНДЕРДЕН БАСҚА АЗАМАТТАР БОСАТЫЛСЫН!

2. Бейбіт шеруге шыққан көпшілікті арандатып, ғимараттарды өртеп, бүлдіріп, тонауды бастаған, құқық қорғау қызметкерлері мен бейбіт халыққа оқ атып қырғын жасаған, ел тұтастығына қауіп төндірген бұзғыншы, АРАНДАТУШЫ ҚАНІШЕРЛЕРДІҢ КІМДЕР ЕКЕНІ, кімдерге қатысты екені зерттеліп, анықталсын! ҚЫЛМЫСКЕРЛЕР ЖАЗАЛАНСЫН!

3. «Ескертусіз ату» деген бұйрықты асыра пайдаланып, «БІЗ ҚАРАПАЙЫМ ХАЛЫҚПЫЗ. ТЕРРОРИСТ ЕМЕСПІЗ!» деген жазуды қорған көріп, АЛАҢДА АЛАҢСЫЗ ТҰРҒАН ХАЛЫҚТЫ ҚЫРЫП САЛҒАН ӘСКЕРИЛЕРДІҢ КІМДЕР ЕКЕНІ және СӘБИЛЕРДІ, ҚАРУСЫЗ ҚАЗАҚТАРДЫ, БАЛА ЕМІЗІП ОТЫРҒАН ЖАЗЫҚСЫЗ АНАЛАРДЫ АТҚАНДАР анықталып, жазалансын!

4. Ауруханада ауыр жаралы хәлде жатқан азаматтарды сүйреп алып кеткен және «күдікті» деген статуспен ұсталғандықтан, ДӘЛЕЛМЕН ҒАНА ТЕРГЕЛУГЕ ТИІСТІ АЗАМАТТАРҒА АДАМ АҚЫЛЫНА СЫЙМАЙТЫН: ыстық үтікпен күйгізу, үстіне ыстық су құю, тырнақ көбесіне ине тығу, ДУБИНКАМЕН АЯУСЫЗ ҰРУ, ЗОРЛАУ СЕКІЛДІ адамгершіліктен жұрдай ФАШИСТІК ІС-ӘРЕКЕТТЕРДІ ЖАСАУҒА БҰЙРЫҚ БЕРГЕН және оны тікелей іске асырған ОРЫНДАУШЫЛАР ТҮГЕЛ АНЫҚТАЛЫП, ЖАУАПҚА ТАРТЫЛСЫН! Осы бағытта жүргізіліп жатқан тергеудің нәтижелері тұрақты түрде жарияланып тұрсын!

5. Жақындары қаза болып қара жамылып, ауыр қайғыға батып отырған қорғансыз отбасыларын одан ары зарлатып, ӨЛГЕН АДАМДАРЫН КӨРДЕН ҚАЗЫП АЛУ секілді адамгершіліктен ада іс-әрекетке ОРЫНСЫЗ САНКЦИЯ БЕРГЕН ШЕНДІЛЕР МЕН СОЛ ҮКІМДІ АРСЫЗДЫҚПЕН АТҚАРҒАНДАР да түгел анықталып, жауапқа тартылсын!

6. Бейбіт, жазықсыз адамдардың оққа ұшып қаза болғандарына, тергеу барысында өлтірілгендерге ҚАЗАҚ ХАЛҚЫНЫҢ ДӘСТҮРІ БОЙЫНША ҚҰН ТӨЛЕНСІН! Ауыр жараланғандар мен азапқа ұшырағандарға мемлекет тарапынан ӨТЕМАҚЫ БЕРІЛСІН!

7. Қиын-қыстау сағатта САБОТАЖ ЖАСАҒАН КҮШТІК ҚҰРЫЛЫМ ҚЫЗМЕТКЕРЛЕРІ ЖАУАПҚА ТАРТЫЛСЫН! Күштік құрылымдар, әсіресе ІШКІ ІСТЕР САЛАСЫ ТҰТАС ҚАЙТА РЕФОРМАЛАНСЫН! Халық пен полиция арасын жарастыратын, ЖАСАНДЫ ӨШПЕНДІЛІКТІ ЖОЯТЫН іс-шаралар дереу қолға алынсын!

Қазақ елі азаматтарының атынан «ХАЛЫҚ ҚОЗҒАЛЫСЫ».

Осы петиция туралы жаңалықтар ресурстарын хабардар етіңіз. Тек осылай ғана біз қоғамдық резонансты көтеріп, биліктің назарын проблемаға аудара аламыз.

18.04.2022, 17:46, авторы Алғадай Әбілғазыұлы.

Петиция! Қазақ мектептерінен орыс тілі пәні алып тасталсын!

Telegram каналға өту
Наиля Сабиржанова
08:59, 13.05.2022
Колдаймын
Аида Иманбаева
19:21, 13.05.2022
Қолдаймын!
Akmaral Mussayeva
21:08, 13.05.2022
When we stop talking and do something about the daily tortures in Kazakhstan and China, daily killings in Ukraine and Palestine? What exactly the politics are doing for the peace on our planet Earth? 😡

https://youtu.be/rH2jXWSizbQ

Appreciate @rozathun for standing up for Kazakhstan! 🙏🇰🇿💙

Nazarbayev = Tokayev = Lukashenko = Xi Jinping = Putin 😈
Tursyngali
09:46, 14.05.2022
Қолдаймын,балалардың жазығы жоқ олар қазақтың батырлары.
Жанар Байсағатова
10:01, 14.05.2022
99% жазықсыз отыр. Қарақшы менттардың көмегімен халықпен сайланбаған үкімет оларды аса ауыр қылмыскер, жай кесе террорист деп шетелдіктерге мәлімдеп отыр. Өтіріктің арты бір тұтам. Алланың қаһарынан да қорықпаймын дегендер, өкінесіңдер әлі ақ!
Нуржан Айсабаева
16:42, 14.05.2022
Қолдаймын! Босатылсын! Олар террорист емес, қазақтың адал таза ұлдары! Генофонд нации! Тұқымды біз қайдан аламыз жас таза қазақ жігіттерін қырсақ??!!!
ШалгимбаеваСауле
06:30, 15.05.2022
Жазықсыз отырғандарды босату керек!
Әлімбек
09:54, 19.05.2022
Қаңтарда зардап шеккендерге өтемақы төленсін

EGOV.PRESS / Барлық петициялар / Петиция! Қаңтар қырғыны бойынша жазықсыз қамауда отырғандар босатылсын! Қаза болғандарға құн төленсін!
Бұл сайт онлайн-петицияларды орналастыруға арналған интернет-ресурс болып табылады. Қол қою процесі әлеуметтік желілердегі репосттар арқылы жүзеге асырылады. Бұл қоғамдағы проблеманы барынша жария етуге мүмкіндік береді. Сайт тек ақпараттық сипатқа ие және авторлардың пікірімен бөліспейді.

Сайт тәртібі мен бізбен байланыс

Перевести на русский язык