Петиция! Торғайға облыс мәртебесін беруді талап етеміз!

Құрметті Қазақ Елінің азаматтары! Құрметті Қасым-Жомарт Тоқаев!

Баршаңызға мәлім, 2022 жылдың 16 наурызында Мемлекет басшысы Қасым-Жомарт Тоқаев «ЖАҢА ҚАЗАҚСТАН: ЖАҢАРУ МЕН ЖАҢҒЫРУ ЖОЛЫ» атты Қазақстан халқына Жолдауын ұсынды.

Жолдауында:

Еліміздің әкімшілік-аумақтық құрылымын жетілдіру мәселесі бойынша бірқатар кезінде жабылған облыстар қайта ашылу туралы айтылды. Өкініштісі, бұрынғы Торғай облысы жайлы сөз көтерілмеді. Бұл мәселе бойынша бірнеше себептер болуы мүмкін, мысалы халық саны, облыс деңгейіне жетпейді. Оған қарамастан Торғай облысы қайта ашылу тиіс деп ойлаймыз! Себебі жаңа облыс - жаңа қаражат, жаңа жұмыс орындар, инвестиция, эко-туризм, ауыл шаруашылығының дамуы, жастарға мүмкіндік береді. Арқалық педагогикалық институты базасында жаратылыстану және ақпараттандыру факультеті, педагогика және филология факультеті, тарих және өнер факультеттермен қоса ауыл шаруашылық мамандықтарын ашылуы мүмкін.

Облыс ашылуының келесі себебі - облыс орталықпен (Қостанай қ.) ара қашықтығы.

Мысалы:

Торғай - Қостанай арасы 555 км. (жеңіл көлікпен 6-7 сағаттық жер).
Торғай - Арқалық арасы 291 км (трассамен), 255 км (тікелей).

Ең басты себеп Жангелдин, Амангелді аудандары мен Арқалық қаласы тұрғындарына облыс орталыққа жету мәселесі. Мысалы есеп беру, жиналыстар, қаралу, құжаттар мәселесі және т. б. мәселелер халыққа оңай тимейді.

Ұсыныс! Торғай облысының орталығын Арқалық қаласы етіп бекіту. Арқалық қаласы Еліміздегі моно-қалаларының бірі, сонымен қатар депрессионный қала ретінде танылды. Облыс орталығы статусын алғаннан кейін қала дамуына септігін тигізеді.

Келесе себеп - Арқалық қаласының транспорттық-логистикалық аймаққа айналуы. Жаңа Ұлытау облыс орталығы Жезқазған қаласы. Арқалық арқылы тауарлар тасымалдау, және де болашақта Нұр-Сұлтан - Арқалық - Торғай - Қарабұтақ - Ақтөбе темір жол бағытын ашу.

Құрметті отандастар!

Тектілерге мекен болған бұл байтақ өңірдің жылнамасы, жалпы қазақ елінің тарихында айрықша орын алады. Торғай ежелден-ақ батырлар мен даналардың алтын бесігі болған.

Азаттыққа жетудің азапты жолында қазағы үшін жанын құрбан еткен даналар мен батырларымыз осы өңірден аз шыкқан жоқ. Жоңғарларға қарсы азаттық күрестің қаһарманы Шақшақ Жәнібек батырдың, ұлт ұстаздары Ыбырай Алтынсарин мен Ахмет Байтұрсынұлы, Алаш ардақтысы Міржақып Дулатовтың, отарлық саясатқа қарсы қан майданға шыққан 1916 жылғы ұлт-азаттық көтерілістің басшылары Әбдіғапар мен Аманкелді, Кейкі батырлардың тарихта қалдырған іздері мәңгілік екені сөзсіз.

Қазақстанның халық артисі Әнуар Боранбаев, Кенжеғали Әбенұлы Сағадиев экономист-ғалым. Экономика ғылымдарының докторы, профессор, ҚР ҰҒА академигі, Қазақстанның еңбек сіңірген ғылым мен техника қайраткері. Әліби Жанкелдин республиканың мемлекет қайраткері, кіші әлем саяхатын жасаған жиһанкез, қазақ даласындағы алғашқы туризмге жол салушы. Мұхамеджан Қарабаев мемлекеттің тарихына дәрігер, кәсіби емші деңгейіне ие болған, әйгілі Қазан университетінен білім алған алғашқы қазақ ретінде кірді, және көптеген басқа жерлестеріміз.

Осы петиция туралы жаңалықтар ресурстарын хабардар етіңіз. Тек осылай ғана біз қоғамдық резонансты көтеріп, биліктің назарын проблемаға аудара аламыз.

18.03.2022, 22:45, авторы Коңыршин Қайыржан Фазылжанұлы.

Петиция! Қазақ мектептерінен орыс тілі пәні алып тасталсын!

Telegram каналға өту